څوک دی دسولې ارمانجن څوک دلته شرخوروي؟
څوک د پردو په لمسه غم پـه لـر او بر خوروي؟
لارې اوږدې دي د کاروان جـــدا ، جدا منزلونه
یو څوک دحشت په مونږ په مکر او هنرخوروي
ښه پــرې پـــوهیږو د دښمن حیله، دوکه پیژنو
دا چې پــردۍ دلته کې کرکه، بـــد نظر خوروي
زمونږ طاقت زمونږ پـه سوله او یووالي کې دی
بیا به د سولې مرغۍ هرې خوا وزر خوروي
دا چې د سیمې زوړ سیاست په بدلیدلو ښکاري
خدای به په مونږ دعدالت او سولې لمر خوروي
اورو جــرس د ستړو ، سترو کاروانونو لـــړۍ
څوک به دې سولې په کاروان باندې اثر خوروي
افغاني څو بـــه دا مظلوم ولس په غم ژړیږي؟
څو به پردي پر مونږه هره ورځ محشر خوروي؟
--------------------------------------
۲۱ - ۸ - ۲۰۲۰
م ۰ کال
